مستقبل الحروب يعيد ماسك إلى البيت الأبيض
ديب سيك تكشف أدوات لرقائق هواوي للذكاء الاصطناعي
إصابة 4 مواطنين بغاز الفلفل في هجوم مستوطنين بدير بزيغ
وزير النقل يبحث مع نقابة أصحاب مكاتب التكسي تنظيم وأتمتة قطاع النقل
اعتقال شاب من طمون على حاجز تياسير العسكري
فادي جودة والشِّعر الذي يقاوم استئثار الموت بغزة
بلديات رام الله والبيرة تدين اعتداءات المستوطنين على أراضيها
آيسلندا تتجه لمقاطعة "يوروفيجن 2027" ما لم تُستبعد إسرائيل
اليمن.. أوسع تصعيد منذ 3 أسابيع وعدد النازحين يقترب من 200 ألف
الاتحاد الأوروبي يقر تشريعاً يتيح مراكز ترحيل خارجية
نتنياهو: مساعد طيار "فلاي دبي" تلقى "تلقيناً متطرفاً"
إسرائيل تفجر منازل وتقصف بلدات في جنوب لبنان
ترامب: قد أبيد إيران إذا لم تُبرم الصفقة التي نريدها
ترامب: لا أصدق التقارير التي تفيد بتحذير نتنياهو من مصر والإمارات
المحكمة العليا تقترح على سامي أبو شحادة سحب ترشّحه أو الشطب
ارتقاء مواطن برصاص المستوطنين في قرية ياسوف
بعد يوم من رحيله.. "سلب" القميص رقم 7 من رونالدو مع البرتغال
شقيقة رونالدو تفتح النار على الإعلام والجماهير البرتغالية
مستوطنون يسرقون ثمار الزيتون في عدة مناطق بمحافظة جنين
قاعدة على مواقع التواصل الاجتماعي "بشوف في الأخبار وصور صاحباتي هن ومتجوزات وكان عندي صديقة من أيام المدرسة كان الكل يتابع صفحتها على سناب شات وفيس بوك وإنستغرام وغيره... كانت تنشر صورها هي وزوجها وأولادها وشو جابلها زوجها وين راحو وين إجو... كنت بتفرج على آخر هدية جابلها إياها وكانت عبارة عن طقم ذهب... وقتها طلعت ع حالي جوزي صار إلنا متجوزين 7 سنين ما عمرو جبلي إشي من أيام الخطوبة وهي تجوزت معي بس جوزها كثير بدللها وبجبلها شغلات ... وقتها حسيت بحسرة في قلبي وحكيت الله يهنيها ويبعتلي... مش مثل زوجي النكدي...
وقتها فات زوجي وحكالي قومي حطيلي أكل... حطيتله أكل وقعدت أتفرج وزوجي يحكيلي عن شغله وأنا بس صافنة وأحكي في عقلي كثر ما تخرفني مش راح تفيدني!! وقتها حسيت في حيرة في قلبي ليش زوجي مش زي زوجها ليش ما يطلعني وياخدني ويجبلي ذهب ويحبني مثل زوجها؟؟... وعندي ولدين مثل أولادها بس أولادها كل لبسهم ماركات وإشي مرتب وبتصور فيهم وبتنزلهم صورهم وأنا والله ما بصورهم لإنو لبسهم ولا شي جنب لبس أولادها... وغير المدرسة الخصوصية اللي بدرسهم فيها أولادها مو مثل أولادي في مدرسة حكومية…
وكنت آخد أولادي على المول أطششهم بما إنو أبوهم بشتغل كثير ودائما مشغول بضل يحكيلي لازم أشتغل على شان أقدر أطعميكم في الحلال… وقتها نزلت على المول و أولادي كانوا كثير مبسوطين يضحكوا ويلعبوا وأنا مبسوطة على فرحهم... بس لفتني صوت عند الألعاب وكان صوت زلمة بصيح على أولادو وبحكيلهم شو يا ولاد بدكم طشوا وتنبسطوا يلا نبسطوا ! وكان يضرب فيهم وهم يعيطوا... وقتها انزرع قلبي عليهم وحكيت وين أمهم... بس أمهم شكلها كانت في الحمام إجت وصارت تحكيلو ما تضربهم لساتهم أطفال فحكالها ما دخلك يا شرشوحة ما إنت ما عرفتي المول غير لما تزوجتك!! هي صارت تبكي وتحكيله وطي صوتك فضحتنا!... زوجها ضربها كف وحكالها احترمي حالك وراح وخلاها هي و أولادها يبكو… وقتها كانت صدمتي إنها البنت صاحبتي ياللي بعرفها على المواقع وبتنشر على النت كل شي... صفنت في حالي وحمدت الله... زوجي ما بضربني زوجي ما بضرب الأولاد زوجي بحبني بحترمني بتناقش معي…
روحت على البيت وأنا مذهولة فتحت الفيس بوك لقيتها ناشرة على الفيس بوك يسلمو حبيبي على هيك طشة في المول! ومنزلة أكم من صورة! والكل يحكيلها تتهني !…على شو تتهنى وزجها ضربها وأهانها قدام الكل!! على شو تتهنى وهي مش مرتاحة معه!! وإجا زوجي سلم علي أنا و الأولاد وبلش يلعب مع الأولاد ويحكيلهم كيف كان يومكم في المول ويضحكوا وكان صوت ضحكتهم معبي البيت... وإجا يحدثني على شغله وشو عمل... وقتها عرفت إني عايشة في نعمة زوجي بحبني ومحترم وبكسب رزق في الحلال".
ومش أي صورة بتنزل أو أي قصة بنسمعها يعني صح! وكنت راح أخرب حياتي عشان أنشر صورة يكون شكلها سعيد بس جواها والإحساس فيها ميت وما فيها حب ولا سعادة... بس عشان المظاهر... عمرها ما تغركم المظاهر ولا صورة تأثر على حياتكم خلونا نعيش في الواقع والحمد لله ما في بعد الحال المستور والميسور...
الكاتبة: ديما نعيرات - 18 سنة - جنين
يكون الجو غائماً جزئياً بوجهٍ عام، ومعتدلاً في معظم المناطق، ويطرأ ارتفاع على درجات الحرارة لتصبح حول معدلها السنوي العام، وتكون الفرصة مهيأة لسقوط أمطار خفيفة متفرقة على بعض المناطق خاصة الشمالية، وتتراوح في نابلس بين 26 نهاراً و15 ليلاً.
26/ 15
أسعار العملات| الدولار الأمريكي | الدينار الأردني | اليورو الأوروبي |
|---|---|---|
| 3.07 | 4.34 | 3.46 |
.png "باحثون يحذرون من سباق الذكاء الاصطناعي: العالم غير مستعد")
.jpg "ترامب يستهجن قيادة النساء:")
