قصة قصيرة " مازلت أشتاقك "

قصة قصيرة

" مازلت أشتاقك "

الجزء الاول : 
سمعت كثير عن ناس حبو بعض سنين وبالنهاية تركها بنص الطريق وراح لغيرها أو مات أو إنو تركها لظروفه الخاصة , أسباب كثيرة سمعت عنها , وعن الحب ومشاكله ,  وكنت لما اسمع لبنت قصتها عن الحب احكي الحمد الله أنا ما بحب وما بدي ب قصصه جد شو هاذ مش هيك جد يعني وكنت أحكي لكل إلي بعرفهم غني إسهري أرقصي أكتبي للحب ، لكن ما تحبي , وكنت الحمد الله مافي مشاكل حب بحياتي بس كانت مشكلتي مع هالحياة وكنت دائما مكتئبة وحزينة لدرجة كبيرة  بس ما توقعت أحب بعد ما شفت عيونه , وبعد سمعت عن شخصيته كنت أحسه إنسان عادي  لوقت إن شفته وحبيته وحبني وحاكاني وحاكيته .. لك ولي شو عملت بحالي كيف أنا بحب هيك كيف بعلق آمالي ومستقبلي بواحد أ نا ما بعرفه كييف هيك يا ربي بس أنا كثير حبيته , وك معقول الحب حرام وبلشت أفكاري تروح وتيجي بس خلص أنا وقعت بمصيدة الحب مافي مجال اتراجع وأنا بخاف أكسر قلب حدا لأنو اكيد ربي رح يكسرلي قلبي , وأنا ما رح أكسر قلبه وأنا كثير بحبه ..

هيك كان تفكيره كله , وإنه أخرته رح يتزوجني مثل ما وعدني ..

عدت سنة على حبنا, وسنة ثانية , خلصت مدرسة وخلص دخلت جامعة وسجلت والحمد الله دخلت مثل ما كان هو بده وأ نا بدي وانبسطنا وخلص رح داوم أول يوم وأكون سنفورة  سنفورته , هيك حكالي وأخيرا صرتي سنفورة ,  متذكرتها للكلمة لهلاء عم ترن رن ع إذني بس الي ما توقعته يروح هاد كان أخر إحتمال حطيته لإنو إلي بشوف حبنا ليغار ويحكي بدي مثل هيك حب ,  واكيد ما توقع إنه رح يروح يتركني بعد ما دخل حياتي وكركبها من فووق لتحت  كله من عيونه وضحكته شلوني شل لما شفتهن ع وجهه ،، اه تركني  بعتلي رسالة وكان معصب كثير خفت وقتها فكرت حالي عاملة شي, والله كنت عم جهز بحالي وبدي أنزل ع الجامعة 
" مرحبا حبيبتي كيفك ،،اهلين حبيبي شوفي خير ليه هسا فاتح ،، بدي أحكيلك شغلة ،، احكي شو في خوفتني" وهو يعطيني جار الكتابة وأنا متت من الرعبة لك شو في خفت ولما وصلت الرسالة كان مضمونها " حبيبتي أنا بحبك كثير وبعشقك ما بقدر أعيش لحظة وحدة بلاكي انتي حياتي وعيوني انتي سر سعادتي بس خلص بكفي لهون أنا ما فيه أتزوجك ما فيه آجي أخطبك وتكوني مرتي صح بحبك بس ما رح تكوني الي ديري بالك ع حالك سلام ما فينا نكمل "

مازلت أشتاقك :
الجزء الثاني : 
إنصدمت وما رديت ع رسالته وما بعتله شي لك شو رح احكي سكتت , وطلعت ع الجامعة مصدومة وما صدقت وأنا أأأروح , وأخيرا روحت وصلت البيت مسكت التلفون دخلت ع آخر رسالة كانت منه رسالة إلي خلتني في حالة سبات بعتله  " طيب شو السبب ليش وكيف انت ظروفك كويسه , وانت حكيتلي إحنا لبعض وإنك ما رح تتركني وعدتني تضلك معاي طول ما إنت عايش وحكيتلي إني أنا عيونك وما بتقدر تعيش من دون عيونك .. حبيبي إحكيلي أنا عملت شي شو في ليه هيك عملت والله بحبك كثير أنا ليش رحت إرجع يلا تعال بستنى " وبعتت الرسالة بعد دقيقة أعطاني seen طيب ليه ماعم يرد وضليت آستنى أسبوع ليرد ع رسالتي بس للأسف ما رد وأنا ما بعرف شو صابني ؟ لمين رح أضحك لمين رح أبكي لمين رح أتهبل ؟ مافي

 حكالي ضحكتك حلوة حكالي لا تخبيها هي الي ضلك إضحكي طيب هلا راح ليش أضحك خلص راح واخذ ضحكتي ومرة ع مرة إكتئبت وأنا لسا فصل أول جامعة , خلصت العلامات وأنا شبيها بالراسبة وأنا لازم أرفع معدلي عشان تخصصي الي رح إدخله الفصل الثاني حاولت أنساه حاولت أدرس بس ل للأسف ما قدرت أرفع معدلي واضطريت أدخل تخصص ثاني , بس حكيت خلص لازم أنساه بكفي هيك بكفي هو ما همه شي وراح وتركني لازم أعتمد ع حالي أنا بقدر أعيش بدونه أنا اصلا عشت بدونه من قبل هو ما كان سبب حياتي وحياتي ما بتوقف على حدا .

صرت أزرع الأمل بنفسي بس ما قدرت , ودخلت السنة الثانية جامعة وأنا لسا عم أستنى فيه  , النا سنة تاركين بعض وأنا كل يوم بمرق عليه مثل النار ع قلبى ومشتاقتله كثير .' يا ترا هو مشتقلي ؟ لسا بحبني مثل ما أنا بحبه ؟؟

 كل يوم هالحكي أحكي وعم أشتقله , وخلصت السنة الثانية بمعدل عالي وكثير منيح وصار نادرا ما يجي على بالي , سنتين هو تاركني وهالحب الي ل الو ما نقص مش بيحكو اذا لم يزدك البعد حبا فأنت لم تحب ..

أنا كنت كل يوم أشتقله خيرات الله وأحبه أكثر وأكثر بس خلص لازم أركز بدراستي ولازم أرفع معدلي لأنو ما في مجال هسا إني أتراجع عن دراستي وخصوصي صرت بنص الطريق ومابدي أتراجع وأنا رح أنسى , وخلص دخلت السنة ثالثة جامعة وكل فصل يرتفع معدلي والحمد الله حتى جبت إمتياز بهالسنة .. بس !! 
 

مازلت أشتاقك : 
الجزء الثالث : 
بس الي صار بهالسنة إني كنت أقدم ب أخر امتحان بالصيفي وطلعت من الإمتحان فجأة بشوفه واقف وضحك لما شافني ..فجأة دمعتي نزلت وصرت أبكي ورحت ركضت لعنده وحضنته قدام إلي في الجامعة وحكيتله إشتقتلك كثير وبكيت وأنا معاه بعدها حكيتله ليش إجيت شو إلي جابك أنا نسيتك أنا ما بدي ياك أنا رح الاقي آحلا منك وآرجل منك .. إلي عملته ما بعمله زلمة ع قد كلمته بس طلعت مو زلمة وأنا انخدعت فيك كثير صحيح حبيتك بس أنا منيحة من دونك ورح أدخل السنة الرابعة ورح أوخذ إمتياز بدونك ما بدي ياك بحياتي خلص يلا سلام .. سكت وما حكا شي بعدها قلي أنا جاي أطلب إيدك . قاطعته بنص الحكي وقلتله  ما بدي أنا في واحد حبني غيرك ورح يخطبني كمان أسبوع ما بدي إياك بحياتي عيش الوجع والبكي إلي أنا عشته اطلع من حياتي مفهوم اطلع .. ورحت وتركته واقف بنص الجامعة , وبعدها ب أسبوع إسمعت إنو خطب ورح يتزوج ع السريع ,  وحط موعد الزواج بنفس التاريخ إلي تركني فيه أنا ما إهتميت بس ما كنت متوقعة منه  هيك ..كان يحكيلي لو ضل أخر يوم بعمري رح أتزوجك غصبن عن الكل وخاوة ولو كان ألف عريس تقدمولك أنا رح أكون ألف واحد ورح أكون زوجك وأنا الك وإنتي إلي ما رح أسمح لحدا ياخذك مني  جد طلعت مخدوعة بالحكي توقعت يحكيلي ما في إلا أنتي بحياتي , وأنا كملت السنة الرابعة وصرت أشتقله صرت أبكي ..إكتئبت واتندمت عشان راح , واسمعت إنو مرته حامل أنا إنجنيت وانعزلت وحبست حالي بالغرفة صرت بس أدرس أضل أدرس واعيط .. صرت أتذكر أيامنا صرت أتذكر كلامنا وأبكي لدرجة إني مرضت من البكي .

 خلصت الفصل الاول وبلش الفصل الثاني وأنا على نفس الحال صرت أحكي مع شباب لعلي أحب حدا فيهم بس للأسف صارو أصدقائي وما كان في مشاعر تجاهم غير الأخوة ...
 

مازلت أشتاقك 
الجزء االرابع والاخير : 
زاد شوقي ل اله , وصار نفسي روح زورهم وروح أباركله وبدي إياه بدي أحكي معاه والله مشتقتله كثير لسا بحبه  لسا ببكي ع فراقه لسا متندمه وبس خلص الفصل الثاني كان لازم أسجل ل حفلة التخرج , وبالصدفة مرته كانت من نفس الجامعة وبالصدفة طلعت وحدة بعرفها كثير ولما عزمتني على عرسها رفضت لأنو بنفس اليوم إلي في عرسه . ما كنت أعرف إنها هي , بس برافو عليه عرف مين يختار .. 
وكان تخرجها معنا وسجلت معاي .. كان في إلي صديق بحكيله  كل شي ولما عرف بالقصة إنها هي نفسها انجن وحكالي ما أهتم , بس كيف ما أهتم صاحبتي ل حبيبي لك كثير هيك ما عاد فيه أتحمل .

 بعدها ب أسبوع عرض علي صديقي الزواج وحكالي أنو بحبني ..
وأنا رفضت حبه.
وقعدت بالبيت أبكي .وإكتئبت خلص ما في مجال مافيه أكون لغيره بس هو كان لغيري .. 
وأجا يوم حفلة التخرج بس اسمعت إنها ولدت وجابت ولد وسماه نفس الإسم إلي كنت بدي ياه  , هون كانت الصدمة عنجد قلبي ماعاد يتحمل وصار معاي أزمة قلبيه ,  كل هاد صار قبل أسبوع من الحفلة ..
أجت حفلة التخرج وتمنيته يكون معي ..

يالله شو تمنيت يكون جنبي يشجعني بس خلص أنا رح موت عن قريب وهو رح يعيش مع إبنه ومرته متهنين ورح ينساني .. هاد كل إلي صار معاي من الحب قصة مؤلمة ومووجعة , ورح أرجع أعيش وجعها كمان شوي لأنه رح روح بارك ل مرته "صديقتي " ب إبنهم ورح عيش الوجع إلي عشته خلال هالسنين كلها ب هاد اليوم ..

 بس والله مشتاقتله كثير وبحبه كثير .. " وما زلت أشتاقك وأحبك وأعشقك ، ومازال نبض دمك يجري بداخلي ، وما زالت ذكرياتنا تعرض أمامي ، فعندما سمعت كلمة أحبك ، عشت من سعادتي خمسين سنة ، وعندما سمعت سنفترق ، تركت في قلبي وجعا يكفي لمئة عام .