قصة قصيرة.. "مازلت أشتاقك"

قصة قصيرة

الجزء الاول : 
سمعت كثير عن ناس حبو بعض سنين وبالنهاية تركها بنص الطريق وراح لغيرها او مات او انو تركها لظروفو الخاصة.. أسباب كثييرة سمعت عنهاا ..وعن الحب ومشاكلوو ... وكنت لما اسمع ل بنت قصتها عن الحب احكي الحمد الله انا ما بحب ومابدي ب قصصو جد شو هاذ مش هيك جدد يعني وكنت احكي ل كل الي بعرفهم ..#غني_اسهري_ارقصي_اكتبي_للحب ،، لكن ما تحبي .. وكنت الحمد الله مافي مشاكل حب بحياتي ..بس كانت مشكلتي مع هالحياة وكنت دائما مكتئبة وحزينة لدرجة كبيرة .. بس ماتوقعت أحب بعد ما شفت عيونو ..وبعد سمعت عن شخصيتو كنت أحسو انسان عادي ..لوقت إن شفتوو وحبيتو وحبني وحاكاني وحاكيتو .. لك ولي شو عملت بحالي كيف انا بحب هيك كيف بعلق آمالي ومستقبلي بواحد انا مابعرفو كييف هيك ياربي بس انا كثير حبيتوو ..وك معقول الحب حرام ..وبلشت افكاري تروح وتيجي بس خلص انا وقعت بمصيدة الحب مفيش مجال اتراجع وانا بخاف اكسر قلب حدا لأنو اكيد ربي رح يكسرلي قلبي .. وانا مارح اكسر قلبو وانا كثير بحبو ..هيك كان تفكيرو كلو .. وانو اخرتو رح يتزوجني مثل ماوعدني .. عدت سنة على حبنا .. وسنة ثانية .. خلصت مدرسة وخلص دخلت جامعة وسجلت والحمد الله فتت مثل ماكان هو بدو وانا بدي وانبسطنا وخلص رح داوم أول يوم وأكون سنفورة .. سنفورتوو ..هيك حكالي وأخيرا صرتي سنفورة .. متذكرتها للكلمة لهلاء عم ترن رن ع إذني .. بس الي ماتوقعتو يروح هاذ كان اخر احتمال حطيتو لانو الي بشوف حبناا ليغار ويحكي بدي زي هيك حب .. واكيد ماتوقع انو رح يروح يتركني بعد مادخل حياتي وكركبها من فووق لتحت ... كلوو من عيونو وضحكتو شلوني شل لما شفتهن ع وجهوو ،، اه تركني .. بعتلي رسالة وكان معصب كثير خفت وقتها فكرت حالي عاملة شي ئي والله كنت عم جهز بحالي وبدي أنزل ع الجامعة 
" مرحبا حبيبتي كيفك ،،اهلين حبيبي شوفي خير ليه هسا فاتح ،، بدي احكيلك شغلة ،، احكي شو في خوفتني" وهو يعطيني جار الكتابة وانا متت من الرعبة لك شوفي خفت ولما وصلت الرسالة كان مضمونها " حبيبتي انا بحبك كثير وبعشقك مابقدر عيش لحظة وحدة بلاكي انتي حياتي وعيوني انت سر سعادتي بس خلص بكفي لهون انا مافية أتزوجك مافية آجي أخطبك وتكوني مرتي صح بحبك بس مارح تكوني الي ديري بالك ع حالك سلام ما فينا نكمل "

مازلت اشتاقك :
الجزء الثاني : 
انصدمت ومارديت ع رسالتو ومابعتلوو شي لك شو رح احكي سكتت .. وطلعت ع الجامعة مصدومة وماصدقت وانا اروح .. وأخيرا روحت وصلت البيت مسكت التلفون دخلت ع آخر رسالة كانت منو رسالة الي خلتني في حالة سبات بعتلو " طب شو السبب ليش وكيف انت ظروفك كويسه وانت حكيتلي احنا لبعض وانك مارح تتركني وعدتني تضلك معاي طول ما انت عايش وحكيتلي اني انا عيونك ومابتقدر تعيش من دون عيونك .. حبيبي احكيلي انا عملت شي شوفي وك ليه هيك عملت والله بحبك كثير انا ليش رحت ارجع يلا تعال بستنى " وبعتت الرسالة بعد دقيقة عطاني seen طب ليه ماعم يرد وضليت استنى أسبوع تا يرد ع رسالتي بس الأسف ما رد وانا مابعرف شو صابني .. لمين رح اضحك لمين رح ابكي لمين رح اتهبل .. محدش حكالي ضحكتك حلوة غيرو حكالي لا تخبيها هي الي ضلك اضحكي ..طيب هلا راح ليش اضحك خلص راح واخذ ضحكتي ومرة ع مرة اكتئب وانا لسا فصل اول جامعة .. خلصو العلامات وانا شبيها بالراسبة وانا لازم ارفع معدلي عشان تخصصي الي رح ادخلوو .. الفصل الثاني حاولت انسااه حاولت ادرس بس ل الأسف ماقدرت أرفع معدلي واضطريت أدخل تخصص ثاني .. بس حكيت خص لازم انساه بكفي هيك بكفي هو ماهمو شي وراح وتركني لازم اعتمد ع حالي انا بقد عيش بدونو انا اصلا عشت بدونو من قبل هو ماكان سبب حياتي وحياتي مابتوقف ع حدا .. صرت ازرع الأمل بنفسي بس ماقدرت .. ودخلت السنة الثانية جامعة وانا لسا عم استنى في ..النا سنة تاركين بعض وانا كل يوم بمرق عليه مثل النار ع قلبى ومشتاقتلو كثير .' ياترا هو مشتقلي .لسا بحبني مثل ما انا بحبو ' كل يوم هالحكي احكي وعم اشتتقلو .. وخلصت السنة الثانية بمعدل عالي وكثير منيح وصار نادرا ما يجي ع بالي .. سنتين هو تاركني وهالحب الي ل الو ما نقص مش بيقولو اذا لم يزدك البعد حبا فانت لم تحب ..انا كنت كل يوم اشتقلو خيرات الله واحبو اكثر واكثر بس خص لازم اركز بدراستي ولازم ارفع معدلي لانو مافي مجال هسا اني اتراجع عن دراستي وخصوصي صرت بنص الطريق ومابدي اتراجع وانا رح انسى .. وخلص دخلت السنة ثالثة جامعة وكل فصل يرتفع معدلي والحمد الله حتى جبت امتياز بهاي السنة .. بس !! 
 

مازلت اشتاقك : 
الجزء الثالث : 
بس الي صار بهاي السنة اني كنت اقدم ب أخر امتحان بالصيفي وطلعت من الامتحان فجأة بشوفو واقف وضحك لما شافني ..فجأة دمعتي نزلت وصرت ابكي ورحت ركضت ل عندو وحضنتووو قدام الي في الجامعة وحكيتلو اشتقتلك كثير وبكيت وانا معاه بعدها حكيتلو ليش اجيت شو الي جابك انا نسيتك انا مابدي ياك انا رح الاقي آحلا منك وآرجل منك .. الي عملتو ما بعملو زلمة ع قد كلمتو بس طلعت مانك زلمة وانا انخدعت فيك كثير صحيح حبيتك بس اانااا منيحة من دونك ورح ادخل السنة الرابعة ورح أوخذ إمتياز بدونك مابدي ياك بحياتي خلص يلا سلام .. سكت وما حكا شي بعدها قلي انا جاي اطلب ايدك . قاطعتو بنص الحكي وقلتلو مابدي انا في واحد حبني غيرك ورح يخطبني كمان اسبوع مابدي إياك بحياتي ..عيش الوجع والبكي الي انا عشتو اطلع من حياتي مفهوم طلع .. ورحت وتركتوو واقف بنص الجامعة .وبعدها ب أسبوع اسمعت انو خطب ورح يتزوج ع السريع .. وحط موعد الزواج ب نفس التاريخ الي تركني في ..انا ما اهتميت بس ماكنت متوقعة منوو هيك ..كان يحكيلي لوو ضل أخر يوم بعمري رح اتزوج غصبن عن الكل وخاوة ولو كان الف عريس تقدمولك انا رح كون الف واحد ورح كون زوجك وانا الك وانتي الي مارح اسمح لحدا ياخذك مني .. جد طلعت مخدوعة بالحكي توقعت يحكيلي مافي انتي الي انتي حياتي.... وانا كملت السنة الرابعة وصرت اشتقلو صرت ابكي ..اكتئبت واتندمت عشاان راح .. واسمعت انو مرتو حامل انا انجنيت واكتئبت وانعزلت وحبست حاالي بالغرفة صرت بس ادرس أضل ادرس واعيط .. صرت اتذكر ايامنا ..صرت اتذكر كلامنا وابكي .. لدرجة اني مرضت من البكي .. خلصت الفصل الاول وبلش الفصل الثاني وانا ع نفس الحال ..صرت احكي مع شباب لعلي احب حد فيهم بس ل الأسف صارو اصدقائي وماكان في مشاعر تجاهم غير الأخوة ...
 

مازلت اشتاقك 
الجزء االرابع والاخير : 
زاد شوقي ل الو ..وصار نفسي روح زورهم وروح اباركلو وبدي ايااه بدي احكي معاه والله مشتاقتلو كثير لسا بحبو .. لسا ببكي ع فراقو لسا متندمة وبس خلص الفصل الثاني كان لازم أسجل ل حفلة التخرج .. وبالصدفة مرتو كانت من نفس الجامعة وبالصدفة طلعت وحدة بعرفهاااا كثير ولما عزمتني ع عرسها رفضت لأنو بنفس اليوم الي في عرسو . ماكنت اعرف انها هي .. بس برافو علي عرف مين يختار .. 
وكان تخرجها معنااا وسجلت معاي .. كان في الي صديق بحكيلو كلشي ولما عرف بالقصة انها هي نفسها انجن وحكالي ما اهتم ..بس كيف ما اهتم صاحبتي ل حبيبي لك كثير هيك ماعاد فية أتحمل .. بعدها ب أسبوع عرض علي صديقي الزواج وحكالي انو بحبني ..
وانا رفضت حبو ..
وقعدت بالبيت بكي .واكتئبت خص مفيش مجال .. مافية اكون ل غيرو بس هو كان ل غيري .. 
واجا يوم حفلة التخرج بس اسمعت انها ولدت وجابت ولد وسماه نفس الاسم الي كنت بدي ياه . هون كانت الصدمة عنجد قلبي ماعاد يتحمل وصار معاي ازمة قلبية .. كل هاض صار قبل اسبوع من الحفلة .. اجت حفلة التخرج وتمنيتو يكون معي ..يالله شو تمنيت يكون جنبي يشجعني بس خلص انا رح موت عن قريب وهو رح يعيش ما ابنو ومرتو متهنين ورح ينساني .. هاد كل الي صار معاي من الحب قصة مؤلمة ومووجعة .ورح ارجع عيش وجعها كمان شوي لانو رح روح بارك ل مرتو "صديقتي " ب ابنهم ورح عيش الوجع الي عشتو خلال هالسنين كلها ب هاد اليوم .. بس والله مشتاقتلو كثير وبحبوو كثير .. " وما زلت أشتاقك وأحبك وأعشقك ، ومازال نبض دمك يجري بداخلي ، ومازالت ذكرياتنا تعرض أمامي ، فعندما سمعت كلمة أحبك ، عشت من سعادتي خمسين سنة ، وعندما سمعت سنفترق ، تركت في قلبي وجعا يكفي لمئة عام .