دكتور في جامعة النجاح ينتقد علناً تقويم تقديم الامتحانات

نشر الدكتور عبد الرحمن الأقرع، محاضر مادة الفسيولوجي في كلية الطب بجامعة النجاح، نقداً لمواعيد تقديم الامتحانات وأمور أخرى، على صفحته الخاصة على الفيسبوك. وانتقد الدكتور الأقرع حصر الامتحانات في عشرة أيام، كما انتقد اقتصار الفرصة بين الفصل الحالي والفصل الصيفي على أسبوع واحد فقط. موقع دوز يعيد نشر وجهة نظر الدكتور الأقرع كما هي وبدون أدنى تعديل:  "ادارتي الموقرة: بيكفي ---------------- لان الفيسبوك منبر من لا منبر لع رح اكتب هون * حصر الامتحانات الفصلية في ١٠ ايام تشمل السبت ارباك للطلبة وللهيئة التدريسية معا، الله ما بيقول في اليوم اللي بيكون فيه امتحاني يكون عندي مراقبة على كمان امتحان. * الدخول في الامتحانات مباشرة بعد نهاية اخر يوم تدريس بدون اي فرصة لالتقاط الانفاس لا النا ولا للطلاب ظلم كبير ، بس ما بعتب عليكم لحالكم ، بعتب على طاقم اكاديمي ضخم وعلى نقابة عاملين وعلى مجلس طلبة كلهم رضيوا بالطلم وطأطأوا الرؤوس، وللتاريخ بقول: انا مو راضي بهالظلم ولا رح اطأطئ راسي واقصى ما يمكن يصير لي اخسر هالراتب بس بحكي لكم: الله الغني. * فرصة اقل من اسبوع للطلبة وللطاقم التدريسي قبل الفصل الصيفي كفر، سامعين: كفر، والحجة انه بدكم تبدوا قبل رمضان عذر اقبح من ذنب ، لانه رمضان هيك هيك ممتد على طول الصيفي. * نفسي اعرف الطاقم الاكاديمي من شو خايف ليسكت على هالشي، ونفسي اكثر اعرف مين بيحط هالتقويم التعيس للعام الدراسي. ** اخر واهم شي: انا بحكي لكم : مش خايف من ردة فعلكم على المنشور اعلاه ولا حاسس بقلق على واقعي الوظيفي، مش سايبة! انا سادد فراغ في بلدي كاكاديمي وهالشي بحد ذاته تاميني الوحيد ، مش شخص هامشي يمكن التخلص من صوته عشان يتادب غيره .. والسلام"   الكاتب: عبد الرحمن الأقرع