في المخيم

في المخيم ! عشت طفوله جوا زقاق المخيم وجوا حارته الضيقه كتير كنت اسمع بالشتا صوت المطر ينزل ع زينكو الجيران لدرجه هاد الصوت انا بسميه صوت البساطه ! في المخيم بس تمشي بين حاراته وشوارعه رح تلاقي جدارن مرسوم عليها حنظله او مكتوب عليها عودة او علم فلسطين او حتى خارطه الوطن كله او اسم شهيدا ! يااااااااا ع جمال الناس في المخيم وطيبتهم وعلى بساطه المخيم في المخيم قصص كثير بتوجع لدرجه انه هاد المساحه فيها وجع بوزع ع كل الكون ! رح احكي ذكريات عن 2002 واسوء ايام المخيم وفي صباح يوم جديد ! بس كانه النهار ما طلع وشمس الامل ضلت مطفيه زئير الدبابات وطنين الطيارات واصوات القنابل وريحه مسيله الدموع حجبت جمال يوم جديد للاسف كان هاد اليوم اجتياح ! والهدف كسر شوكه المخيم والقضاء على كل ابطال المقاومه كل شبر بالشارع كان فيه عبوه ناسفه والرصاص يمشي بالشوارع بدل البشر ! كان المخيم صار جبهه قتال على اعلى طراز , وكل عبوه تتفجر تنزل شبابيك البيت وتهز ابوابه بصراحه ! الخوف كان كبير اول يوم بس بعدها تعودنا ! مر اول يوم على خير واجا الليل وصوت الحيط يهز !! الجيش فتحوا "طاقة " من بيت الجيران على بيتنا في الطابق الاول دخل بيتنا 22 جندي وبدهم البيت نقطه قنص لانه عالي احتلوا بيت مكون من 5 طوابق وحطونا كلنا بغرفه واحد 20 شخص ضلينا يومين بغرفه انكشف اليهود انهم موجودين في بيتنا ولذلك انسحبوا من البيت وبعدها بيوم صار فك لمنع التجوال لمده ساعه فقررنا مغادرة المخيم ! طلعنا من البيت ووصلنا باب المخيم كان موجود على باب المخيم عبوات ناسفه وفي هداك الوقت كان الطيران موجود وراصد العبوات وما وصلنا باب المخيم الا والطياره تضرب والانفجااااار هز المكان وصوت صياااح والدخان بكل مكان وناس بتركض ! مش متذكر شي غير اني صرت في بيت ناس ما بعرفهم ! كيف وليش ومين وصلني لهناك مااا بعرف ! بعد نص ساعه التقيت بأهلي وطلعنا من المخيم ! ايام ورجعنا وكان الاجتياح انتهى ! ورجعنا االبيت ولا كأنه بيتنا كل الشبابيك مكسره والدنيا تراب والابواب متفجره ! انتهى الاجتياح وهاد واحده من القصص الي علمتني انه بينك وبين الموت شعره ! الاجتياح التاني ما كان للمخيم كان للبلده القديمه في نابلس بس هاد الاجتياح كان الاكثر تأثير في حياتي وخلاني اشتاق الان لناس ولا يمكن الايام تعوضهم او قلوبنا وعقولنا تنساهم حتى لو كنا صغار وما عرفناهم كتير في وقت الظهر اجت ستي ع بيتنا ! احمد بده يطلع على نابلس مشان الله يا علي " ابوي " اقنعه ما يروح هاد لابس اللبس العسكري وحامل سلاحه وشكله مش ناوي يرجع مشاان الله تلحقه ! شوي وابوي شافه وقله يا احمد " امك ما بتتحمل " اقعد واسكت قله خالي : بديش انزل بس بدي اخبي السلاح بلاش يمسكوه ابوي : يعني خلص مش نازل ؟ خالي : توكل ع الله ساعات واحمد كان في البلد يبدو انه مقرر من قبل وما في رجعه الكل خايف ! احمد راااح ! شو وضعه طيب وين هو هسا ولا حد بعرف ! يومين واجا خبر الو : علي معي ؟ علي : اه مين ؟ انا فلان وهي احمد معي بالمسجد متصاوب وبصراحه وضعه خطر وبحكي بوصيته ادعوله ! ياااااااااااااااااااااااااااااااا اول مره اشوف ابوي يبكي انا صاافن ولا فاهم شي الخاااااال استشهد كم مره جبلي العاب وكم مره حملني ! وكم مره لعبني بسلاحه ! البطل ما عاد يرجع خبر كانه خيااال لسا من كم يوم كان يحكينا واجا يزرونا كنا نسمع صوته طالع ع الدرج اجاااااااااااا خالوووووووووووو والله كان كتير حنون الحزن خيييم ع الكل ! القريب والغريب كنت اتمنى لو اني كنت وقتها كبييير كتير يمكن اقنعته ما يروح ! بس بصراحه هو اختار احلى طريق شجاااع رايح وعارف بده يموت ! خلص الاجتياح والابطال ضحت بدمها وصار تراب الوطن ممزوج بدم الطهاره ! من فتره شفت احد الاشخاص الي كان معاه وقت المواجهه سألته كيف استشهد !؟ ووين ؟ المكان رحت زرته في نابلس اما كيف فهي حكايه يمكن مش مشهوره ولا معروفه لانه خالي ما كان بده الشهره ولا كان بده يظهر بعيون الناس بطل بس كان بده ينال رضى رب العالمين في بدايه يوم الاستشهاد كان صايم الصبح متمركزين في مكان نادينا عليه تعال افطر حكالنا صايم وهي انا بحرسكم توكلوا ع الله ثواني ورصد جندي في البيت امامه ضله يستنى لحتى يطلع الجندي وبمجرد ما طلع بلش ضرب رصاص بس للاسف كان كمين في جندي تاني على الجهه المقابله متصرد ومجرد ما طلع احمد رصاصه في مخزن السلاح تسببت بتفجير المخزن ورصاصه التانيه بالوجه ما استشهد مباشره الشباب سحبوه من خلال احزمه اسلحتهم للمسجد وحكى كلماته الاخيره ! وبعدها وصلنا الخبر ! قصه صغيره لا توازي شيء من احزان هذا المخيم واحزان الناس الي بعرفهم او قصص ناس حبيتهم وعشت معهم واستشهدوا كتير شفت جثث وكتير شفت رصاص ودبابات وطيارات انا ؟! احزاني ولااااااااااااااااااا شي بالنسبه لاوجاع اهل المخيم بس تدخل المخيم حط ذانك على الجدران رح تسمع حكايات بتوجع رح تلاقي الم في تجاعيد على وجه ختيار رح تلاقي شوق في دموع ام الاسير ورح تسمع قلب حزين لام الشهيد بس فوق كل هاد في امل بعيون طفل صغير ********** على الهامش : رغم كل هاد الاوضاع الي عاشها ابن المخيم وبعد ما وصلنا ل 2016 لا زال البعض بشوف ابن المخيم شيء غريب ! او انه ابن المخيم حسب خيالهم هو شخص مفترس او مشكلجي او قليل التربايه !كتييييير ناس عرفتني من الجامعه ولما اقلهم اصلي من المخيم يستغرب ! كيف انه المخيم طالع منه شخص ما بعمل مشاكل او محترم او من هذا القبيل ! بس تذكر انه كل مكان في السيء والحسن وغالبا السمعه السيئه هي الي بتنشهر اكتر اعمل منيح واغلط مره بحكوا عنك عاااطل المخيم منه الدكاتره والمتعلمين والمهندسين والابطال والشيوخ والشهداء والاحرار والبسطاء مهما تحسنت حالتي وخرجت من المخيم وساكن في حي راقي اول ما اسأل من اين انت ؟ اقول من المخيم لا اخجل اني من مكان خرج شهداء دافعوا عن الوطن ********** يمكن طريقه الكتابه بسيطه بس حبيت اوصل للناس انه المخيم مش كما تتصور