"رسائل وطن" برنامج لطلاب النجاح ينقل نبض الشارع

- 1 2 3 أكشن، شو ناقص فلسطين؟ - ناقصها كرامة ووحدة وثقافة. - شو بتحكي للفصائل الفلسطينية؟ - لازم نتوحد كلنا عشان نقدر نقاوم. - طيب شو بميزك كونك فلسطيني؟ - كتير شغلات منها اني بخافش من اشي، بحب أرضي كتير، اني بمر كل يوم ع الحاجز وبتفتش. جاءت فكرة برنامج "رسائل وطن" من طالبي كلية الإعلام بجامعة النجاح في نابلس أحمد أبو سماحة وجهاد الشيخ لإدراكهما أهمية صوت الشارع الفلسطيني، فانتقلا بكاميراتهم بين المدن الفلسطينية من نابلس إلى طولكرم وجنين وبيت لحم وغيرها وصوروا طفلاً يعبر عن حبه لوطنه وشيخاً يدعو بالسلام وفتاة تفتخر بفلسطينيتها وشاباً يدعو للوحدة الوطنية. جمعوا كل هذا وعرضوه لنا من خلال برنامجهم، الذي لاقى رواجاً كبيراً ووصل لعدد كبير من المشاهدين على مواقع التواصل الاجتماعي والوكالات الإخبارية المختلفة. ولدى سؤال دوز الطالب أحمد أبو سماحة قال: "الفكرة أجت مني ومن زميلي جهاد الشيخ وبمساعدة من طلاب من الكلية، حبينا نوصل صوت الناس لعدد كبير من العالم، وحسينا قديش في أهمية انو نصور الشارع الفلسطيني ونشوف شو في حكي عند الناس حابين يوصلوه للعالم بطريقة بسيطة وواقعية وشفافة". وأضاف أبو سماحة: "بنستخدم للتصوير كاميراتنا ومعداتنا، بنروح للناس بكل مكان وبنستهدف كل فئات المجتمع أطفال وشباب وكبار في السن، إحنا عملنا أكثر من حلقة وحابين نكمل في البرنامج ونكبره أكثر". وتحدث الطالب جهاد الشيخ عن المعيقات التي تواجههم في الإعداد للبرنامج وقال إن "البرنامج ما زال في بدايته ويحتاج للتمويل في حال سنقوم بالإضافة عليه، وحتى التنقل بين المدن صعب خاصة في الوضع السياسي الحالي، وكذلك عند اتجاهنا لسؤال الناس، فإن عددا كبيرا منهم لا يجيب على السؤال إلا أننا لن نتوقف هنا وسنكمل ما بدأنا به".   الكاتبة: أسماء العمري المحرر: عبد الرحمن عثمان