آراء أهالي نابلس بفرض غرامات على النظافة

أعلنت بلدية نابلس عن فرض عقوبات وغرامات لتحسين واقع النظافة في نابلس، ابتداء من يوم الخميس 15.11.2017.
ونشرت صفحة موقع دوز على الفيسبوك مقابلة مصورة لعضو المجلس البلدي ريما عرفات تتحدث فيها عن تفاصيل هذه الإجراءات. وحصد الفيديو تفاعلاً واسعاً، حيث وصل عدد التعليقات لحوالي 190 تعليقاً. وتراوحت التعليقات ما بين مؤيد ومعارض للعقوبات، واقترح البعض بدائل عن فرض الغرامات.
شيكل بلا مقابل
وعلّق (Fathia N Abu Madi): "بعينكم الله تعو شوفو جيرانا نحنا عمارة الخطيب بنابلس (..)، بصراحة واقع نظافة مرير أنا من سكان العمارة من فترة بسيطة ولاحظت ظاهرة جدا بشعة الناس بيرموا كياس زبالة وشغلات ثانية ما بتتخيلوها من شبابيك بيوتها والباركنج تحت شكلو مرعب والأرض يلي مقابلة".
واشتكى (Abdallah Abdrabu) من إهمال المنطقة الشرقية قائلاً: "اذا بدكم توصلو شارع عمان وشارع الحسبه من خمس سنين ما مرق واحد ينضف الشارع، وبالآخر بتاخدو كل يوم شيكل نظافة. طيب أنا مش مجبور أنضف الشارع بنضف باب محلي، طيب المزابل الي بالشوارع تحت ايش نعمل فيها وينهم عمال النظافة؟".
وتمنى (Qais A Anabosi) أن يشمل قانون فرض الغرامات جميع المدن الفلسطينية، وعدم اقتصاره على بلديات ومدن معينة.
أما (Mossab Al Bezrah)، فقال: "لتطبيق هيك قوانين لازم تكون حاويات الزبالة موجودة بكثرة وبشكل حضاري وخاصة بمنطقة الدوار، وياريت تكون القوانين أكثر صرامة مع المباني الجديدة الي بخربو الشارع وبوسخو المنطقة كلها، الأهم تنبهوا عمال النظافة ما يحطو حاويات الزبالة بنص الشارع بعينهم الله يرجعوهم ع طرف الشارع".
واقترح (Saeed Jamous) أن ترتبط شرطة بلدية بمحكمة خاصة بالبلدية، وقال إنه "على المجلس البلدي العمل على تطوير المدينة وتدريب كوادر وتوظيف شركات استشارية متخصصة".
بدائل أخرى
ومن جهة أخرى، رحب (Muntaser Hasan Al Qadah) بقانون فرض الغرامات لأجل النظافة، قائلا: "لازم من زمان نعمل هيك، وأرجو من جميع أبناء جبل النار احترام هذه القوانين والتعاون لجعل مدينة نابلس كما كانت عليه بالسابق".
وأكد (Ziad Abdul Rahim)على ضرورة وضع حاويات كبيرة وفرز النفايات من المصدر. وتمنى على البلدية "تنظيف المدينة بعد منتصف الليل أو بعد الفجر"، مضيفاً: "سكان نابلس عليهم مسؤولية في الحفاظ على نظافة الشوارع والأرصفة".
وأيّد (Thaer Kal) هذه الخطوة ووصفها بالإيجابية. واستدرك قائلاً: "لكن يجب توعية الناس بضرورة الحفاظ على النظافة. وأي شخص يزور الداخل المحتل لا يجرؤ على رمي أي شيء، ولكن في مناطق الضفة حدث ولا حرج".
وبين (Osama Qattawi)، أن هناك طرقاً أخرى للمحافظة على النظافة، "وهي زيادة عدد الحاويات وعمل دعايات ولافتات تحذيرية". وأضاف: "أما كل شخص رمى سيجارة يدفع 20 شيكلاّ، ففي ناس معهاش توكل".
رفع الغرامات
وكتبت (Lina Mahmoud): "يا ريت من زمان نفذت هذه العقوبات لأن احنا شعب ما بنمشي بالنظام واحترام القوانين لازم يكون في عقوبات وتغريم". ووصفت (Suhear Bishtawi) الغرامات المادية بالقليلة، وأوضحت أنه يجب أن تكون أعلى لردع الناس.
ودعا (Qais A Anabosi) بلدية نابلس لمتابعة حاويات النفايات حول المستشفيات والروائح الصادرة منها، والانتباه "لأعقاب السجائر".

الكاتبة: مجد حسين
المحررة: سارة أبو الرب