فتاة من نابلس: يا رب أعد لي أبي سالما من إسرائيل

إنه الموقف الذي لا يتمناه المرء حتى لأعدائه: العودة إلى البيت مبتهجاً لنجد كارثة بانتظارنا. هذا هو الموقف الذي حدث مع الفتاة "فرح" قبل خمسة شهور تقريبا. دوز ينشر ما كتبته فرح باللهجة النابلسية.

29_3_ 2015 

"اول يوم بلش (بدأ) ابتلاء ربنا اول يوم بلش الوجع الزعل الئهر (القهر) اول يوم بحس شو يعني فئد (فقد) اول يوم بمرض فيه حبيب الروح .. كنت مروحة عالبيت بامان الله بهداك اليوم وصلت.. امي تامر ليان كلهم عالبرندة بنادو (ينادون).. فرررررررررح اطلعي يسرعة وئفت (وقفت) بئلهم (أقول لهم) شو فييي. 

تامر اطلعيي هلا بئلك (أقول لك)..ئلتلو (قلت له) مش طاللعة وهي اعدة (قاعدة) لاعرف شوفي.

 امي نادت بصووت فرررررررررررح اطلعيييي هلا .. ئلبي (قلبي) سئط (سقط) زي المجنونة طلعت عالدرج. وصلت عالبيت نفَسي مئطوع (مقطوع) امي بتعيط الكل وجو (وجهه) اصفر وانا احكوولي شوو في منشااااان الله .. 

ابوكي ابووكي غاب عن الوعي وهو باسرائيل سمعت هالكلمة كإنو ئلبي (قلبي) بدو يوئف (يوقف).. اعدت (قعدت) صفنت كل شي فيي بطل يستوعب بهاد (بهذا) الوئت (الوقت) ما كان بدي شي غير اني اشوفو بس بلشنا (بدأنا) تلفونات واتصالات عأصحابو وعلى الي كان معهم والكل بيحكي اطمنو (اطمئنوا) طبعا كلهم كانو عارفين وضعو بس ما حدا خبرنا بس بحكولنا وضعو تمام وان شاء الله بكرة بكون عندكم..

 بكرة شوو بيكون عندكم هه بعد بساعة نئطة (نقطة) دم عالدماغ بعد بساعتين صار بالعناية المكثفة .. الحمدلله عكل شي والحمدلله انو كل شي صار عند اليهود وتعالج عندهم .. بعد ما عرفنا شو صار معو كل يوم نتصل ونسئل عوضعو مستقر ونايم .. مستقر وناايم لمدة 42 يوم 42 يوم وانا محروء (محروق) ئلبي.

 روحي مو معي ئلبي مو معي كل يوم نفس الكلام وضعو مستقر ونايم لحد ما نجنيت وهلا بدي اعرف شو وضع بابا وشو صاير معو .. بيوم من الايام تئاتلت (تقاتلت) انا وخيتي (أختي) سماح لانها هي الي كانت تتواصل مع المستشفى الي (الذي) باسرائيل كل ما اسئلهاا كيف بابا مستقر تئلي ئلتلهاا وبعدييييين معك .. كل ما اسئلك مستقر .. مستقر لحد ما اجا اليوم الي خلص قررو يخرجو من العناية وينئلو (وينقلوه) عمشفى تاني .. 

كان احلى يوم بحياتي لما سمعت هالخبر الي 42 يوم مو شايفتو او مو ئادرة (قادرة) شوفو بهاد اليوم نعجئنا واخيرا الحمدلله يارب حنشوف بابا والحمدلله عم يتحسن سماح : ان شاءالله ما في شي بيتاثر وازا (وإذا) في شي بدو يتأثر اصبع او حرف من كلامو .. 

والحمدلله ما ضل شي في ما تأثر وصل المشفى التاني وضعو جدا كان تعبان من 29_3 لليوم خمس شهور كاملين خمس شهور وانا بستنى اللحظة والدئيئة (والدقيقة) والثانية الي يرجعلي فيها بابا زي اول هلا عندي نفسو بالدنيا ومافيها حبيب روحي يابابا .. 

ما عندي طلب وما عندي امنية وبترجى وبدعي من كل ئلبي ما بدي شي غير يرجعلي بابا زي اول بس يارب بئدر (أقدر) كل شي تحملنا وبئدر الصبر الي صبرنا والدعا الي دعينا انك تستجيب بس يارب استجيب . يارب املي فيك كبير."

الكاتبة: فرح شقيدف

المحرر: عبد الرحمن عثمان

2015-08-28 || 20:07

وين أروح بنابلس؟

2026 07

‎Dooz دوز‎

يكون الجو شديد الحرارة وجافاً في معظم المناطق، ويطرأ ارتفاع طفيف آخر على درجات الحرارة لتصبح أعلى من معدلها السنوي العام بحدود 7 درجات مئوية، وتتراوح في نابلس بين 36 نهاراً و24 ليلاً.

36/ 24

أسعار العملات

الدولار الأمريكي	الدينار الأردني	اليورو الأوروبي
3.05	4.31	3.52

فتاة من نابلس: يا رب أعد لي أبي سالما من إسرائيل

وين أروح بنابلس؟

أسعار العملات

مجتمع

شباب وجامعة

مسؤول بيحكي

اقتصاد

منوعات