"ناس دوز" لهذا الأسبوع

"بحب الموسيقى بكل أنواعها، وخاصة العزف على البيانو. درست البيانو لعشر سنين وبعزف لهلأ، وبحس إنو لما أعزف موسيقى بتوديني على محل تاني كتير حلو، بتصفي الذهن وبتعطيني شعور إيجابي". [caption id="attachment_23752" align="alignnone" width="960"] يارا[/caption] "بحب أتطوع كتير لإنو هادا الشي بخليني جزء من هاي البلد، وكمان فرصة أتعرف على ناس لما أشارك بالأعمال التطوعية". [caption id="attachment_23755" align="alignnone" width="960"] وعد[/caption] "السنة الماضية خلصت امتحانات فاينال وطلعت أشوف صاحبي، بتذكر كانت الدنيا هوا وبرد بنابلس. كنّا واقفين عباب السيارة نتناقش وين بدنا نروح. وفجأة إجا واحد سكران من وراي مسكني وكان معه سكينة. كنت بحاول أبعد عنه ومن الموقف مش حاسس بإشي. ضربني اَخر سكينة على وجهي ووقتها حسّيت إني لازم أروح عالمستشفى بس شفت الدم. وبس وصلت اكتشفت إنه السكينة دخلت إيدي وكتفي وظهري. القانون ما ساعدني. انحلت المشكلة بصلح مع إني ما بعرفه أصلاً، و أنا متاكد إنه زي ما صارت معي رح تصير مع غيري. مش منطق". [caption id="attachment_23756" align="alignnone" width="960"] أحمد[/caption] "بحس إني شخص متفائل بالحياة، بحب دائماً اطلع على الجزء الملان من الكاسة واستمتع بكل لحظة بمر فيها بحياتي. بعرف إنو مهما كان وضعي سيئ ففي حد بالدنيا وضعه أسوأ من وضعي". [caption id="attachment_23757" align="alignnone" width="960"] دانا[/caption] "أنا فنان تشكيلي، وعندي 28 سنة خبرة بهالمجال. رح أشتغل شوية مجسمات في حديقة عبد الناصر الجديدة بنابلس، متل برج بيزا وبوابة برلين وغيرهم، والشغل كله يدوي ومتقن. المجسم الواحد بده أكثر من شهر". [caption id="attachment_23758" align="alignnone" width="960"] سلطان[/caption] "بحب أتعلم لغات جديدة، بتقن ٣ لغات وعم بحاول أتعلم الرابعة. اللغات خلتني أتعرف على ناس من ثقافات مختلفة، وأعلمهم عن ثقافتنا وأتعلم منهم. وكمان لفتت انتباهي قديش لغتنا العربية مختلفة وحلوة ومميزة عن كل لغات العالم". [caption id="attachment_23759" align="alignnone" width="960"] ليزا[/caption]   Dooz.ps