صاحب البسطة يناقض رواية بلدية نابلس

تواصل صاحب البسطة التي تمت مصادرتها من قسم الحراسة والتفتيش التابع لبلدية نابلس مع دوز مساء الاثنين 25.11.2019، وقدم روايته لما حدث في شارع سفيان وسط المدينة حين تمت مصادرة البسطة والبضاعة.

واعتبر في روايته أنه كان يدافع عن نفسه وأنه توجه إلى الشرطة من تلقاء نفسه ولم يتم توقيفه. وأضاف أن المشكلة انتهت بالتراضي بينه وبين البلدية خلال ساعة.

وكان دوز قد تواصل مع مدير قسم الحراسة والتفتيش أمجد عيران من بلدية نابلس ونشر هذا الخبر عن ما حدث.

وكتب صاحب البسطة إلى دوز:
"انا كنت مبسط واجو بدهم الهوية وبعد حكي ونقاش بينا اعطيتهم الهوية
وبعد هيك بدهم ياني اقيم البسطة وقلتلو بقيم البسطة
التاني الي معو بقولو جيبلو الدورية بتحملو ياها وبيجي يترجى ع المكتب عشان يوخد البسطة
اجى الاول حكى كلمة ودفشني بكتفي وهاد السبب الي خلاني ادافع عن حالي واردلهم الضربة وقامو التنين هجمو علي وانا دافعت عن حالي
وتوجهت لمركز الشرطة مباشرة لحالي بدون ما حد يوخدني او يلقو القبض علي من كوني لحالي طلعت وقدمت شكوى عليهم
وبعد هيك انحلت المشكلة تنازل الطرفين عن القضية وروحت ع الدار بنفس الساعة.
وحملولي البسطة بسيارة البلدية
والبسطة كانت بالسيارة طالعة باول شارع سفيان وقعت من السيارة وكل البضاعة انكبت ع الارض وفي خسائر مادية منيحة الي".

يشار إلى أن بلدية نابلس بدأت في الآونة الأخيرة بإزالة التعديات من على الأرصفة والشوارع في محاولة لتنظيم المدينة وحركة السير فيها.



دوز