والدة أشرف نعالوة: هذا مش دم ابني

نشرت محامية الأسيرة والدة أشرف نعالوة "وفاء مهداوي"، ما يلي: 

"روحوني من هون يا خالتي، بدي اشوف ابني وأسلم عليه، نفسي أشوفه، صارلي شهرين مشفتوش... ابني ما متش، لسه عايش، خالتي طلعوني من هون، نار مولعة بصدري، معملتش اشي أنا، نار بتهب يا خالتي، طب ليش قتلوه، قالولي بدك إياه شهيد ولا أسير، قلتلهم اقتلوني أنا تقتلش، أسير بعرفه بالسجن وبتنفس...ابني أشرف شجاع، راح ابني، مين موقف مع بناتي.. لحالهم بعزوا حالهن، حابسيني أنا وأبوهم وأخوه والكل.. فش حدا بالدار.. والدار بدهن يهدوها طب شو عاملتلهن الدار؟ خالتي هذا الدم اللي شفته بالتلفزيون مش دم ابني....روحيني من شان الله بدي أشوف أشرف....
جزء من زيارتي اليوم لأم اشرف نعالوة بسجن الدامون بعد سويعات من قتل ابنها أشرف".


الصورة: علاء بدارنة