"دكتورنا مرته مش متعلمة"

"رحت احضر حفل لتكريم دكتورنا بالجامعة...
وصلت متأخرة وكان في ضجة؛ قعدت بالمقاعد الخلفية وسألت البنت الي جنبي شو في؟حكتلي في واحد احرجه وسأله لي تزوجت وحدة مش متعلمة !

انا هون انصدمت قلتلها معقووول !
وبهالوقت ركزت معه
اول كلمة بلش فيها ...
انا سعيد جدا بزواجي، مع انه انا دكتور وزوجتي مش مخلصة توجيهي !
اول يوم شفتها في كانت مروحة من المدرسة وعجبتني، لحقتها لوصلت على دارهم، ورحت اطلبها من اهلها؛ وهي لساتها بأول ثانوي ...

الكل كان يحكيلي هي صغيرة عليك، بس انا حبيتها، وهي وافقت ، اهلها كانوا جماعة طيبين كثير، ما اتشرطوا علي ولا باشي، بس انا ما قصرت فيها؛ باول خطبتنا كنت خايف ...
خايف ما اتفق معها عشان المستوى للتعليمي، مرة دخلت بنقاش انا وياها، كانت تحكي بطلاقة؛ وتجادل مع ادلة؛ انا نصدمت يومها حكتلها كيف هيك؟
حكتلي انا بحب اقرأ كتب ...
انا كنت حابب تخلص توجيهي وبعدها نتزوج، بس هي رسبت بالمدرسة، وكانت مترددة تعيد او لا....
وانا كنت لسا استاذ بالمدرسة لما اجتني منحة لاكمل ماجستير برا، رحت وقعدت معها حكتلها انا بحبك، اجتني فرصة من العمر،ما بدي احرمك تعليمك ونتزوج ونسافر ، بدك تعيدي وتنجحي بأجل دراستي ...

، مسكت بإيدي يومها وحكتلي انا اخدت فرصتي ورسبت ، بدي اعطيك فرصة لالك ونجاحك هو نجاحي

وما رح خليك تسافر لحالك، بدك حدا يكون معك يهتم فيك ويشجعك ... بالأول رفضت الفكرة ... وبعدها وافقت على شرط تكمل تعليمها لما نرجع

بهالوقت صار في ضجة وبنت صارت تحكي برغم ثقافتك الواسعة وانك دكتور ، بس تصرفت بانانية معها وحرمتها من تعليمها، والمجتمع اليوم بطلع عليها وحدة مش متعلمة ماخدة دكتور !
ضحك الدكتور، وحكالها انتي كم عمرك؟
حكتله : 20
قلها يعني انتي سنة ثانية جامعة؟
حكتله : اه
قلها لو كنتي مكانها وخطبتي وانتي سنةثانية واجا لخطيبك فرصة من العمر مع انه انتي ما بتحبي الدراسة ؛ بتتركي الدراسة او خطيبك ؟
حكت اكيد خطيبي لانه الدراسة اهم شي...
حكالها بتفق معك التعليم مهم كثير، بس انتي الي رفضتي ممكن يصير شي عظيم بمساعدتك اله، ويعلمك اكثر واكثر من الجامعة ...
مثل مرتي.....

انا اليوم ناجح بسببها، لانه هي تخلت عن دراستها مشاني، بس ما تخلت عن انها تتعلم وتطور كل يوم معي، كنت ادرس اشي ، واروح اناقشها في وتدرس وتبحث عنه ، هي مآمنة انه الشهادة ما بتصنع انسان مثقف وانه الثقافة بكتسبها الانسان اكتساب من الكتب، التلفزيون ..

هون سمعنا صوت بنت بتحكي ...
ويمكن يكتسبها من الحب كمان، طلعت لعنده ومسكت ايده؛ وحكت انا ما بخجل اني ما كملت تعليمي، لانه زوجي ولا مرة حسسني بالنقص، ولانه الظروف اجبرتني ، واحكيلكم سر انا رسبت بأول ثانوي ، ولو كنت شاطرة كان كملت تعليمي !
بدي احكي لاي بنت هون، الحب اساس الحياة ، انا من الناس الي فاشلين جدا بالدراسة، انا كنت اروح انام والعب واروح ، ومعدلي ما بزيد عن ال50 بنفس الوقت كنت بقرا كتب ، بحضر افلام وازيد ثقافتي، لما خطبت عرفت انه احمد رح يعلمني كتير، وانه مش من النوع الي رح يعايرني لهيك وافقت على كل شي ...
وافقت لاني عارفة انه حيضل سندي، وكل يوم رح اكسب معلومة جديدة منه ...
ما بنكر اجت لحظات تمنيت لو اكمل تعليمي فيها؛ بس الحياة شغلتني مع هيك لاي بنت اتعلمي ، وحبي، واهم شي اتثقفي بكل شي بدون حدود الشهادة وبس

انا بقعد مع بنات متعلمات، وبكونوا يطلعوا علي نظرة دونية بالبداية، بس بعد اول نقاش كلهم بسألوني من وين تعلمتي هالشي

جوابي هو من عيون احمد تعلمته !
وانا رح ارجع اكمل تعليمي لانه هلئ وقت مناسب لاخد شهادة وانا مقتنعة بالعلم

يكون الجو غائماً جزئياً إلى صافٍ ومعتدلاً في المناطق الجبلية، وحاراً نسبياً في بقية المناطق؛ حيث يطرأ ارتفاع على درجات الحرارة، وتتراوح في نابلس بين 26 نهاراً و16 ليلاً.

26/ 16

أسعار العملات

الدولار الأمريكي	الدينار الأردني	اليورو الأوروبي
2.90	4.10	3.42

مجتمع

• 
• 
• 

شباب وجامعة

• 
• 
• 
• 
• 
• 

مسؤول بيحكي

• 
• 
• 
• 
• 

اقتصاد

• 
• 
• 
• 
• 

منوعات

• 
• 
• 
• 
• 
• 
• 
• 
• 
•