ساق الله ع أيامك يا ستي!

شو بتذكرك يا ستي لما كنتي تجمعينا تحت هالدار وبلحظه تودينا لعالم ولا ودار كنتي تاخدينا مشاوير وبفي الشجر كنا قاعدين وحنا سوى لمه.. جمرات الحطب إدفي وعروق بدمنا تمشي وتنادي هي يا فلسطين.. كنتي تحكيلنا عن أيام زمان كيف تاخدي الغسيل ع بير حارس تمشي مشاوير ولما كنتي تلمي الحطب وفوق الراس تحملينه وكيف كنتو ع العتمة تنامو متل العصافير ساق الله ع أيامك يا ستي ما كان فيها وجع راس كان كل شي مروق كنتي تحكيلنا عن هالقمح كيف كنتي تحصدينه كيف تعتم الدني وإنتي يالمنجل تلمينه كيف كنتي توقدي كوميات هالحطب وأحلى رغيف خبز تخبزينه ورشة زعتر وشويه هالزيت أجمل أكلات في حضن ترابك يا فلسطين كيف كنتي تحكيلنا عن بيتكو الصغير رغم قلة الدفا ..بس من الحب ما بتسكعوا رغم قلة الضو ..بس من عيون الوفا بتقشعوا وكيف كنتي تنادي بصوت عال ..بحبك يا رفيقي كنا نضحك..ما نفهم ليش هيك تنادي جدي لكن يا ستي يا ريتنا في بأيامنا معنا للرفيق ما عاد ليهم أمان ..كلهم بيخونوا..ما بيكفيهم إلا تا يتلتوا ساق الله ع أيام عشق زمان كان مغمس بالدكه..وريحة ورد الريحان بس اليوم مات الحب يا ستي وضوينا هالكهربا وبالنت نسينا واجبنا..ومسلسلات الدراما أخدتنا من واقعنا ساق الله ع أيامك يا ستي