عيب تحكي اسم إمك قدام الناس!

"ﻋﻴﺐ ﺗﺤﻜﻲ اﺳﻢ ﺇﻣّﻚ ﻗﺪﺍﻡ ﺍﻟﻨﺎﺱ، ﺳﺎﻣﻊ ﻳﺎ محمد؟". "ﻋﻴﺐ ﺣﺪ ﻳﺸﻮﻓﻚ ﻣﺎﺷﻲ ﻣﻊ ﺧﻮﺍﺗﻚ ﺑﺎﻟﺸﺎﺭﻉ، ﻃﻴﺐ؟". "ﺷﻮ ﺑﺪﻫﻢ ﻳﺤﻜﻮﺍ ﻋﻨﺎ ﺍﻟﻨﺎﺱ ﻟﻮ ﺭﺩّﻳﻨﺎ ﻋﻠﻴﻚ ﻭﻋﻤﻠﻨﺎ ﺍﻟﻌﺮﺱ ﺑﺪﻭﻥ ﺑﻮﻓﻴﻪ آﻩ؟ ﻋﻴﺐ ﻋﻠﻴﻚ ﻳﺎ ﺯﻟﻤﺔ! ﻭﻝ ﺷﻮ ﻛﺤﺘﻮﺕ!". "ﻭﻻ‌ ﺇﻧﺖ ﻻ‌ﺯﻡ ﻛﻠﻤﺘﻚ ﺗﻜﻮﻥ ﺍﻷ‌ﺧﻴﺮﺓ ﺑﺎﻟﺒﻴﺖ. ﺗﺨﻠﻴﺶ ﻣﺮﺗﻚ ﺗﺘﺤﻜﻢ ﻓﻴﻚ، ﻋﻴﺐ ﻋﻠﻴﻚ ﺇﻧﺖ ﺍﻟﺰﻟﻤﺔ!". "عيب تحط اسم مرتك ع كرت العرس! ما بصير كل صحابك يشوفوا اسمها، عيب عليك شو صار لعقلك؟!". "ما بصير تجلي وتطبخ وتكنس بالبيت أو تنشر الغسيل! بحكوا عنك مش رجال، عيب عليك!". "تغير لولادك أو تجهزهم ليروحوا عالمدارس ومرتك نايمة؟ ما بصير! بحكوا عنك ما عندك شخصية ومتركتك تعمل شغلات نسوان، عيب عليك!". ﺑﺘﻌﺮﻑ ﺷﻮ ﺍﻟﻌﻴﺐ؟ ﺍﻟﻌﻴﺐ ﺇﻧﻚ ﺗﺨﻠﻲ اﺑﻨﻚ ﻳﺪﺭﺱ ﻃﺐ لأنه اﺑﻦ ﻋﻤﻪ ﺩﺭﺱ ﻃﺐ. اﻟﻌﻴﺐ ﺇﻧﻚ ﺗﺨﺎﻑ ﺗﺤﻜﻲ ﻹ‌ﻣﻚ ﻋﻦ ﺍﻹ‌ﻧﺴﺎﻧﺔ ﺍﻟﻠﻲ ﺣﺒﻴﺘﻬﺎ ﻭﻭﻋﺪﺗﻬﺎ ﺗﻜﻮﻥ ﺇﻟك. ﺍﻟﻌﻴﺐ ﺇﻧﻚ ﺗﻌﻠﻲ ﺻﻮﺗﻚ ﻋﻠﻰ ﺍﻟﻤﺨﻠﻮﻗﺔ ﺍﻟﻠﻄﻴﻔﺔ ﺍﻟﻠﻲ ﺭﺑﻨﺎ ﺟﻌﻠﻬﺎ ﺑﺤﻤﺎﻳﺘﻚ ﻭﺻﻮﻧﻚ. ﺍﻟﻌﻴﺐ ﺇﻧﻚ ﺗﺸﻮﻑ ﺇﺧﻮﺍﻧﻚ ﻧﺎﻳﻤﻴﻦ ﺑﺎﻟﻤﺨﻴﻤﺎﺕ ﻭﺇﻧﺖ ﻣﺘﺪﻓﻲ ﺑﺒﻴﺘﻚ ﻭﺳﺮﻳﺮﻙ. ﺍﻟﻌﻴﺐ ﺇﻧﻚ ﺗﺸﻮﻑ ﻗِﺒﻠِﺘﻚ ﺍﻷ‌ﻭﻟﻰ ﺑﺘﺘﺪﻧﺲ ﻭﺇﻧﺖ ﻣﺶ ﻋﺎﻣﻠﻠﻬﺎ ﺇشي. العيب إنك تفرض شخصيتك وتهين وتدعس ع قلب الإنسانة يلي المفروض تكون شريكة حياتك! اﺳﻢ ﺇﻣﻲ ﻣﺶ ﻋﻴﺐ، ﺧﻮﺍﺗﻲ ﻣﺶ ﻋﻴﺐ، ﺍﻟﺘﻮﻓﻴﺮ ﻣﺶ ﻋﻴﺐ، ﺍﻟﺤﻨﺎﻥ ﻣﺶ ﻋﻴﺐ، التعاون مش عيب، المودة مش عيب! ﺇﻧﺘﻮ ﻛﻠﻜﻢ ﺍﻟﻌﻴﺐ.   الكاتبة: مرام كلبونة المحررة: سارة أبو الرب *هذا المقال لا يعبر بالضرورة عن وجهة نظر دوز