شقيقة الأسير عزمي نفّاع: طلعوا عنجد ظالمين!

كيف الدنيا غريبة! قديش كنّا نزعل عشغلات تافهة ونفكر إنه الدنيا رح توقف وإنه هاي هي النهاية! قديش كنّا تافهين! آه كنت مقتنعة إنه الاحتلال موجود وبزعل عاللي بصير، بس بنفس الوقت كنت أفكره تمثيلية بشوفها عالتلفزيون.. أبداً ما كنت أتوقع إنه نصير جزء من هالتمثيلية! ولكم أووووف! طلعوا عنجد موجودين! طلعوا عنجد ظالمين! طلعوا عنجد غدّارين! ااااه يا خَيي.. بدّك تتحمّل يخوي بعين الله. ولَك إنت مش بس إحنا معك، ولَك الله معك. ااااه يا خَيي! بعرف اشتقتلنا وبعرف بحاجتنا بس ولَك الله معك وقلوبنا معك. اصبر شوي رح يبين الحق بس استنى نتفة! يخوي يا أغلى علي من حالي أستودعك عند الله الذي لا تضيع ودائعه. الله يشفيك ويعافيك ويردك سالم.   الكاتبة: رغد نفاع المحررة: سارة أبو الرب *هذا المقال لا يعبّر بالضرورة عن رأي دوز