عائلة الفولة من نابلس تناشد الرئيس عباس

"الى سيادة الرئيس الاب والوالد محمود عباس ابو مازن 
وسيادة رئيس الوزراء محمد اشتيه وعطوفه محافظ نابلس وجميع السلطات
والى كل ابناء شعبي

انا علاء محمد عايش فوله من نابلس
بدي اتكلم عن القصة كامله بالتفصيل وبتمنا تفهموا الموضوع وتقرأو وما تحكموا على الناس من طرف واحد :
القصة انو والدي محمد عايش الفوله قرر قبل ٥ سنوات انو يبلش شغل بالعقارات والبناء وكان معاه راس مال ممتاز وحكا انا بدي اعمل مشاريع تفيد البلد والناس ، وكان يبيع الناس شقق مشطبه وبدفعات قليله وشكات توصل مدتها ل ١٠ سنين بسبب وضع الناس الصعب وكان يتعاطف مع الناس الي وضعهم صعب ويسلهم عمارات مدة لا تتجاوز ثمانية شهور .
القصه الحقيقيه انو صار معانا نقص بالسيولة ومعانا شكات لمدد طويله بتوصل لل ٢٠٣٠ اطرينا انو نبيع بيتنا الي ساكنينو وقاعدين فيها انا ووالدي وكل اخوتي ونبيع دهب نسائنا ونصرف الشيكات الي معنا بسعر بسعر اقل ونستأجر بيوت نسكن فيها علشان نسد الناس ونبني الاراضي الي عنا ونسلم الناس شققها الي بايعينها بس الصار العكس كل الناس هجمت علينا بدها قيمة شيكاتها الي لسا موعدها بعيد ولسا شكاتها ما رجعت وناس صارت تشيع انو احنا انكسرنا وما رح نطلع بالعمارات ولا رح نسلمهم فكل الناس الي احنا اصلا بايعينهم بعقود بيع زمن التسليم سنتين ولسا مطول موعد تسليمها صارت تيجي عنا وبدها ترجع الشقق وبدها مصاري كامله وفي ناس معها شيكات بسنة ٢٠٢١ حجزت على البيت قبل ما نبيعو بكمبياله كتبها والدي ضمان للشيكات وكانت بدو تاريخ كحجز تحفظي واخدو منا قيمة الشيكات الي لسا ما اجا موعدها والناس ما تركتنا وصار الكل بدو ياكل فينا وصار الكل بدو مصاريه فوري انجبرنا نسد الناس الي اصلا موعد شيكاتهم لسا ما ستحق ما ضل معانا مصاري نكمل مشاريعنا ولا ضل معانا مصاري نعيش فيها ووالدي تعب فتره ووصلت المرحله فينا ما قدرنا نعالجو وكل الناس بقول انو معنا مصاري ونحن فعليا ما ضل معانا مصاري.

واحنا اطرينا مجبورين نترك بيوتنا وتركنا أطفالنا ونسائنا لانو تعرضنا للتهديدات بالقتل والتهديدات بالخطف ووالدي مرض وكان بدو يموت من كتر ضغت الناس عليه نجبرنا لانو ما في حل بأيدنا وكل اشي صار غصب عنا
احنا بدنا نسد الناس بس ما ضل معانا مصاري وتشردنا لا نصبنا على العالم ولا ضحكنا على حدا وكل الناس الي تعاملت معنا من تجار واصحاب شقق وعمال. 

بخصوص الي نزل على الفيس بوك بموضوع بيع الشقق لاكتر من واحد هاد الحكي مش صح بس صارت مشكله على شقه وحده فقط انو صاحب الشقه القديم طلب من والدي شفاهيا وكان هناك شهود انو يبعلو الشقه و انو ما بدو اياها والدي اخد كلامو ثقه وبعنالو الشقه ولما بدنا نعطيه المصاري رفض وقال انا ما بدي ابيع ورحنا للي بعنالو الشقه مره تانيه وقلنالو انو صاحب الشقه الاول ما رضي يبيع واتفقنا انو نرجعلو المصاري بس الي صار انو اطرينا نختفي عن الانظار بسبب التهديدات وما لحقنا نرجعلو مصاريه وفي وثائق على هاد الحكي الي انا بحكي وموقعه من الشخص الثاني الي شترى الشقه ووقعنا على ورقه خارجيه بفسخ القعد الثاني وبوجود محامي وشهود من طرفنا وطرف المشتري.

وفي ناس كاتبه انو بدها منا مصاري ونزله صورنا هاي الناس بايعينها شققها واصلا مسلمينها اياها واحنا لسا بدنا منهم شيكات وبتعمل كل هاد الحكي علشان تستغل الموقف وما تدفع الشيكات الي عليها واحنا رح نلجئ للقضاء لمحاسبة الاشخاص الذين قام وبشهير سمعتنا وافترو علينا بالباطل وبدون اي دليل او اثبات .

احنا ما مناكل حقوق الناس ووالدي لما شخص بدو يرجع شقتو لاسباب ماديه للمشتري ما يرضا يخصم شيكل واحد منو وبرجعلو كل مصاريه وناس الي تعاملت مع والدي بتعرف هاد الحكي
بس شو الحل شو الصار احنا ما نصبنا على العالم احنا ضعنا تشردنا تركنا بيوتنا من الخووف والتهديد والظلم الي صار علينت وانا عندي وثائق تأكد كلامي على كل كلمه حكيتها
وانا اتوسل لابانا و ابا الشعب الفلسطيني سيادة الرئيس محمود عباس "محمود عباس " اوجميع السلطات واخوتنا جميع السكان الوطن يتدخل بالموضوع وينحل لانو وضعنا بصعب على الكافر واحنا مشردين من بيوتنا".


انتهى

المصدر: عائلة الفولة