ابنة الشهيدة الرابي: "يا ريتني أجبرتها تضل"

كتبت وسام الرابي ابنة الشهيدة عائشة الرابي والتي قتلت إثر حجر ألقاه مستوطن على سيارة العائلة بالقرب من حاجز زعترة جنوب نابلس، رسالة تودع فيها والدتها عبر صفحتها على الفيسبوك، يوم الأربعاء 17.10.2018. 

دوز ينشر الرسالة كما هي دون تعديل:

"أيوا أنا بنتها الخليلية الي كانت زايرتها ..! 
ايوا انا هي !!!

من وأنا طالبة وهي تستنى اشتغلها اسنانها..! و انا اجلتها دايما واحكيلها اصبري لاصير اقوى بالشغل وما بدي اجرب فيكي ..! 
و بعد طول انتظار اجى الوقت الي اخدتها عندي و بلشت انا وابراهيم معها ...! 
كنا نستنى ل الثلاثاء عشان نسلمها الشغل الاخير و نفرحها فيه ..!!! و انشر الحالة ع صفحات النقابة لانه كنت شايفتها أروع شغل ..!

بس ماما كانت مبسوطة كتير ع المؤقت و تحكيلي اذا المؤقت هيك كيف النهائي ..! 
ما رضيت ضلها ل الثلاثا لانه حكتلي اشتقت ل ابوكي و اخوتك !! 
برجع يوم الخميس وبنشتري من الخليل لعرس اختك كمان ..!!!

دايما كنت اخليها ع راحتها وما ااجبرها تنام عندي اكتر ما هي تحب ..! بس يا ريت وقتها اجبرتها !!!

كانت مبسوطة مبسوطة كتير كتير ..

يرحم روحك يا أمي الغالية العظيمة".