والد الأسير نفاع: أنا عتبان على الكاميرات

نشر والد الأسير عزمي نفاع ما يلي ننقله كما هو حرفيا دون تعديل: "بتعرفوا أنا على مين عتبان، أنا عتبان على الكاميرات الي في كل محاكمات ولدي عزمي ما شفت ولا كاميرا، أنا ما بدّي كاميرا تيجي تصورني لاني مش هاوي تصوير ولا عندي هوس الظهور، كنت بدّي كاميرا تيجي تصور ابني وتصور إصابته وتظهر للعالم شو عمل فيه رصاص الاحتلال، بدّي حدا يصور وجهه المخربط لدرجة انه زوجتي بتحكيلي هذا مش عزمي لما دخلوه على المحكمة، في كل محاكمات عزمي ولا حدا كان يتصل فينا، انا الي كنت اتصل بصديق صحفي كان ينشر خبر المحاكمة مشكورا، ولا حدا كان يزورنا أيام المحاكمات، ويوم ما انحكم عزمي 20 سنة ما شفنا حدا من الكاميرات، واحد صحفي اتصل بي وحكالي (ولو على ايش ابنك حكموه عشرين سنة، هو كاين محرر البلاد) بحب احكيلك يا كاميرا انه انا ومن خلال صفحتي قدمت اكتر منك بكتير وبدون مقابل ويمكن خسرت اشياء بس بالنهاية انا الكسبان.
حمدا لله على سلامتك عمي عهد وعلى سلامة والدتك ... تحملوني فشة قلب بالعامية".

الكاتب: سهل نفاع